Ne ‵kau fakatasi a tino fakatokitoki mai i Fa‵kai Kolā ka Fai i ei a teFIFA World Cup 2026mō te polokalame fou tenei ko teSonic ID
A teFIFA World Cup 2026™ka fai eiloa mo fai te ‵toe taimi fakafiafia, mai i leo o tino fia‵fia i loto i te koga ta‵fao mo te ‵lei o tino ta‵fao ma‵luga i te lalolagi mo te fakaotiga o te vaega muamua o te koniseti i te fakaotiga i te koga ta‵fao ko te New York New Jersey. Kae ko te kese‵kese mo te ‵gali o te koniseti i te lalolagi kātoa ko gasolo aka eiloa o lasi ona ko te Sonic ID fakapito a te FIFA, telā ne kamata i a Mati 2025.
Ne ‵kau fakatasi a nīsi tino ‵poto kae takutakua mai i Fa‵kai e 16 i Kanata, Mekisiko mo te Iunaite Sitete ke faite ne lātou a Sonic IDs ‵tu ‵kese kolā e fakaaoga i teFIFA World Cup 2026– ne pese fakaaoga kolā e fakamāiloga ki ei a Fa‵kai ‵Lago‵lago i se auala tu ‵kese kae gali.
Ne filifili ne Fakai Takitasi a se tino fakatokotoko o te lotou fakai ke toe ‵fuli ne ia a te pese fakasalalau o teFIFA World Cup 2026, kae ke fakaopoopo atu ki ei a te ‵laga, te ‵tagi mo tuu tāua o te lotou fakai. Ne ga‵lue fakatasi a Kansas City mo te tino fakatokotoko o te lotou fakai mo te tino ‵fatu leo ko Tech N9ne ke fai a te pese fakatagi‵tagi fua e tasi telā e aofia i ei a pati.
“A te mālosi o te kau manumalo i Kansas City telā ne maua ne mātou i se taimi leva ‵ki ne fakamālosi mai ki aku pati i pese. A te loto mālosi o tino i te fa‵kai e malosi ‵ki, tenā eiloa te mea ne manako au ki ei i teSonic IDmō Kansas City,” ko pati a Tech N9ne.
“A te mea telā e fakamoemoe au ke lagona ne tino māfai e lagona ne lātou te Kansas City Sonic ID ko te ‵kau fakatasi mo te mālosi o te tokouke. E mafaufau au me ne fakataunu eiloa ne mātou te mea tenā.”
Ka mafai ne tino fakalogo‵logo o onoono, ‵kopi kae fakalogo‵logo ki olotou Sonic IDs i te fa‵kai telā e fia‵fia lātou ki ei i pese lauiloa, e aofia i ei a teSpotify,Apple Music,mo nīsi mea aka, kae onoono ki te ‵lomiga o Sonic ID a fa‵kai takitasi i teFIFA‵s YouTube channel.
E se gata i ei, a te fakasologa kātoa o pese i te Kansas City Sonic ID ko avanoa nei i teSpotify. E aofia i ei a pese ‵lasi o Kansas City — mai i tejazzmo teblueski te rock, hip-hop mo tepop. E aofia i ei a tino ‵fatu pese ko Janelle Monáe, Count Basie, Melissa Etheridge mo Tech N9ne.